يوميات دانا وجانا فى كليه العلوم قصدى الهموم...(1)

اول يوم فى الكليه........... سنه اولى

دانا: ربنا يس 4000 تر!!!!! النهارده اول يوم فى الكليه انا عارفه ايه خلانى ادخلها.... ياللا!!!؟؟ انا قلبى حاسس انى موش هاعمر فيها.
ايه الجامعه الواسعه دى !!! كل دا علشان اوصل لمبنى علوم!!!!!
اخيراً .....اهو دا المبنى ....................
--- ياترى اتاخرتى ليه ياجانا؟!!! انا مستنياكى ادام المبنى اهوه زى ماتفقنا.....
بيب بيب بيييييييييييب
ايه دا العربيه دى عماله تزمر ليه كده مع ان الشارع فاضى !!!!!!!!!!! !
بيب بييييييييييييييييييييييبب بيييييييييييييييييييييب
لاءه بقى دا شكله عاوز يركن فى المكان اللى انا واقفه فيه.... ادينى بعدت شويه مع ان الشارع فاضى..

_ _ _انتى ياانسه انتى طارشه ولا ايه ...

دانا:حضرتك تقصدنى انا !!!!!!!ايه حصل ايه؟؟؟؟؟

_ _ _ عمال ازمر من ساعتها علشان انتى واقفه فى المكان اللى انا دايما بركن فيه...
دانا: ياسلاااااااااااااااااااااااااام دا على اساس ان حضرتك كاتب اسمك على المكان ده!!!!!!!!!!!!!

_ _ _ استغفر الله العظيم جيل آخر زمن

جانا: دانا...... داناااااااا...... .......
دانا : جانا ازيك اه لو كنتى قدمتى من شويه كنتى شوفتى الخناقه.
جانا : ايه!!!! حصل ايه!!!! ايه يابنتى اتهدى بقى انتى مابترحميش..
دانا : واحد شايف نفسه قال ايه انتى واقفه فى المكان اللى بركن فيه!!!!مع ان الشارع فاضى....
جانا:حاجه غريبه والله !!!!!!!!!!!!!!!!
دانا: ....يالا علشان ننقل الجدول
ايه داااااااااااااااااااا كل دى زحمه على الجدول!!!!!!!!!!!!!!
جانا:تعالى تعالى انا جبته امبارح من على النت.. اى خدمه.. ..........
دانا :والله انتى بت ناصحه. ورينى كده..... اول محاضره رياضه مدرج 1
ايه دا بقى احنا فينا من رياضه بقى انا ادخل بيولوجى علشان ادرس رياضه انا عارفه انى مش هاعمر فى الكليه دى والله دا حرااااااااااااااااااام
جانا :ايه يابنتى احنا فى علوم بندرس اى حاجه فى كل حاجه
دانا: يالابينا وامرنا لله!!!!
جانا: ايه داااااااااا هو المدرج زحمه كده ليه دامفيش ولا مكان فاضى.....
دانا: جانا تعالى بسرعه فى مكان هنا
جانا: الحمد لله .. ........ شكل دا الدكتور .
دانا:الله........ ....دا شكله طيب. . وامور.. . وملتحى.. يارب يكون طيب وابن حلال... ..........
جانا: ايه دا ياهبله انتى هاتعاكسى الراجل!!!!!!!!!
_ _ _ الدكتور:السلام عليكم ازيكو ياسنه اولى
دانا: هو ماله بيتكلم بالراحه كده ليه دانا روحى هاتطلع على مايخلص كلامه... ...
جانا: اسكتى بقى خلينا نفهم... .. ......
_ _ _الدكتور:cos x =dy/dx
دانا:يانهار اسود انا كنت عارفه انى مش هاعمر !!!! تفاضل وتكامل وبالانجليزى كمان انا كان قلبى حاسس.
جانا:بس بقى كلام خلينى اتلم على كلمتين يااارب افهم حاجه.
دانا:اهى المحاضرة خلصت اهيه ومافهمتش ولا كلمه!!!!!!!انا كان قلبى حاسس موش هاعمر.............
جانا : يالا بسرعه وبطلى برطمه.. .عندنا سكشن نبات ...
دانا: سكشن من اول يوم كده طب مافيش فسحه ....ولاراحه ... ناخد نفسنا طيب.. .
جانا: فسحه!!!!!!!!!!!!!! انتى مفكره نفسك فى المدرسه يالا يالا ياختى...
دانا:شوفتى المعمل عامل ازاى دى خرابه دى ولا معمل حتى الكراسى مكسره!!!!!!!
جانا: اسكتى اسكتى المعيد دخل اهوه... .
دانا:يانهار موش فايت !!!!!!!!!!!!!!
جانا:ايه يابنتى !!!!! حصل ايه!!!!!
دانا:الراجل ده اللى كنت بتخانق معاه الصبح...
جانا: ياخبر يادانا دانتى مصيبه!!!؟؟؟؟؟؟ دا المعيد
دانا:خبينى بسرعه لحسن داممكن يطردنى.. انا قلبى كان حاسس.
_ _ _ المعيد: السلام عليكم .ازيكوا احب اعرفكم نظامى من الاول كده...انا ماحبش اسمع صوت حد غيرى فى السكشن ماشى الكلام
وكمان محبش الاسئله الكتير ماشى الكلام وعاوز اسمع كلمه منكم ماشى الكلام
سمعونى كلمه ماشى الكلام..!!!!!!!!!!!!

_ _ _ _ الطلبه: ماشى الكلام...
دانا:ماشى الكلام .. دامعيد ده!!!!!!!!!! انا من اول ماشوفته ماستريحتلوش!!!؟؟؟؟
جانا: اسكتى لاحسن عمال بيبصلك اوى...... ...
_ _ _ المعيد:انتى ياانسه ياللى لابسه طرحه حمره انتى...
دانا: انا!!!! حضرتك تقصدنى انا...
_ _ _ المعيد: ايوه انتى .. انتى معانا فى السكشن؟؟
دانا: انا !! انا.. اه اه انا فى السكشن ده...
_ _ _المعيد:عماله من الصبح ترغى وتتكلمى لواتكلمتى تانى هاطردك ماشى الكلام.
دانا: ماشى الكلام.انا اسفه.
------ انت غلس ورخم
جانا: بتبرطمى تقولى ايه !!!! اسكتى ليطردك.. .
دانا:مانا عارفه انى موش هاعمر هنا ..... ...... نحس .. .... نحس يابنتى!!!!!!!!!!!

يارب تنال أعجابكم