عاوزة اتجوز بس شكلى هعنس

أخواتى وإخوانى فى الله
أهلا بكم من جديد فى خواطرى
النهاردة أنا هتكلم فى موضوع عواقبه وخيمة
موضوع عامل قلق لكل فئات المجتمع
مشكلة تواجه شباب وبنات المجتمع
وبرده بتواجه الأهالى مع إنه هم السبب فى الغالب
ونرجع نقول ليه العنوسة كترت كده وليه بقى السن الطبيعى للجواز بقى من 30 الى 35 سنة وساعات بيوصل لللاربعينات !!!!
وليه الشباب بيصاحب وعمال يحب على الفاضى وعلى المليان
وليه الزنا بقى كتير كده وكمان زنا المحارم بقى من المصائب السائدة فى المجتمع
وليه الجواز العرفى بقى زى الهم على القلب
بالله عليكم
مين منّا مسمعش عن خال اغتصب بنت اخته ولا اب اغتصب بناته ولا شاب اغتصب امه !!!!!!!
فعلا والله
فتنةٌ فى الارضِ وفسادٌ كبير
عاوزة اتجوز بس شكلى هعنس Handnt1

تعالوا بينا نتكلم وحدة وحدة
زمان كانت الحياة سهلة وبسيطة وكانوا أهالينا ظروفهم المادية بسيطة جداً وطبعا لما جُمْ يتجوزا كان برده الجواز سهل وبسيط
يعنى اقصى امانى الاهل تلاجة وغسالة عادية طبعا مش اوتوماتيك آآآه والتلاجة مش تلات بيبان ولا نو فروست اما البوتوجاز بقى مش 5 عيون لالا ده كان عنين وزى الفل كانوا عايشين
وطبعا يا جماعة لو جينا عملنا مقارنة بين زمان ودلوقت مش هتلاقى وجه مقارنة اساساً
زمان حاجة زى ما قلت
ودلوقت حاجة تانية خالص
اصلكم مش واخدين بالكم
لو العريس اللى متقدم مجبش لبنتنا
غسالة فول اوتوماتيك
تلاجة no frost
بوتوجاز 5 شعلة
أنتريه - صالون - سفرة - نوم - اطفال
وطبعا قبل ده كله شقة تمليك
ده غير بقى الكمبيوتر والدش
طيب ده هيتكلف كم !! يتكلف زى ما يتكلف واحنا مالنا
مش كفاية هنديك البنت وده اقل طلبات
وطبعا الشبكة مش اقل من 20 ولا 30 الف اليومين دول
اصلها مش هتعيش فى مستوى اقل من مستوانا
يا كدة يا مفيش جواز
!!!!!!!
طيب يا بابا وحضرتك يا ماما
اتجوزتوا بإيه
لالالالالالالالالالا
هو احنا زمانا زى زمانكم
انتم حاجه واحنا حاجة تانية
ليه بس
طيب ده زمان كان صحيح مفيش فلوس بس فى بركة
اما دلوقت
لا فى فلوس ولا فى بركة
!!!!
يعمل ااايه طيب
يروح يكون نفسه وبعدين يجيلنا وطبعا انت مش محجوزاله لو جالك عريس متريش هنجوزهولك احنا عاوزين مصلحتك ياحبيبتى
وطبعا على لما يكون نفسه
اما البنت يكون عداها قطر الجواز واما انهم يتجوزا عرفى واما ان يجيلها كنز تانى (عريس يعنى) ويجوزهولها وتعيش عمرها نادمة على اللبن المسكوب
المشكلة
ان الاهل بصوا على كل الماديات
عنده كم وراكب ايه وشغال فين وهتعيشى فين
ونسيوا اهم حاجة
حافظ ايه من القرآن
دينه ااايه
بيصلى بيعرف ربنا بيبر اهله !!
لالا ده كله مش مهم
المهم
ال
money
هى ده اللى هتعيشك عيشة هنية
طيب هو يعنى مش ممكن يكون معاه فلوس ويضيعلى دينى وادخل النار بسببه
مش مهم00مش مهم
انا ياجماعة بكتب الرسالة ده للأهالى وللشباب والبنات
عاوزة تسمعوووووووووونى
يا أبى يا أمى
انتوا ليه بتبصوا على الدنيا بزخرافها وسايبين الجنة ونعيمها
لما تجوزونى لواحد متدين اكيد هيحافظ عليه وياخد بايدى للجنة وهعيش مرتاحة معاه
وعلى رأى المثل
ياواخد القرد على ماله يروح المال ويفضل القرد على حاله
مترهقوش الشباب والمقبلين على الزواج بطلبات فوق طاقتهم
واعملوا زى النبى ماكان بيعمل
كان بيزوج بناته بالقرآن
ووالله
العنوسة والزنا والجواز العرفى انتم السبب فيه
ومترجعوش تزعلوا موتقولوا البنت متجوزتش وبقى عندها 35 سنه
متحطوش نفسكم فى موقف زى ده وبعد كده ترضوا بالقليل وتقولوا يا ريتنا

يا بنات
لو حصل معاكم موقف زى ده وفعلا اهلك موفقوش اوعى تبيعى نفسك وتعملى حاجه تغضب ربنا ومجرد انه يرعض الفكرة عليك يبقى والله ما بيحبك يا حبيبتى اللى بيحب حد بيحافظ عليه
اوعى تبيعى نفسك بالرخيض وترجعى تقولى ياريت اللى جرى ماكان

يا شباب
اتقوا الله فى اخواتكم وبنات المسلمين وخلوا بالكم
كما تدين تدان
والله ياما ناس خانوا جه اليوم واتخانوا فيه
وانا اعرف من القصص الكثير بس مش عاوزة اطول عليكم
وخليك راااااااااجل
ياجــــماعة
ظروف الحياة وقساوتها مش مبرر ابدا اننا نعصى الله
اننا نتجوز عرفى ولا انى اصاحب ولد ولا انك تصاحب بنت
ووالله
الحب الحقيقى
هو الحب فى الله
ومش تحب واحده وتقول فى الله
لا لا لا
واخيرا
ومنْ يتقِ الله يجعل له مخرجا ويرْزُقهُ من حيثُ لا يحتسب

وفى سورة نوح
وقُلتُ استغفروا ربكم انه كان غفّارا يُرسِلِ السماءَ عليكم مدرارا ويمددكم بأموال وبنين ويجعل لكم جنّات ويجعل لكم أنهاراً

اللهم زوج بنات وشباب المسلمين واهديهم وعفهم
اللهم انا نسألك الهدى والتقى والعفاف والغنى

عاوزة اتجوز بس شكلى هعنس 1209328992

بجد والله جزاكى الله الجنة
والله انتى فعلا لمستى الواقع الى احنا عايشين فيه
وربنا يهدى الاباء والامهات جميعا
ويزوج جميع شباب وبنات المسلمين اللهم امين

ماشاء الله عليكى اختى الساجده لله
جزاك الله كل خير بجد